羅子溢今日（16日）出席無綫台慶劇《星空下的仁醫》結局篇宣傳活動。子溢表示：「呢個角色係我從來冇演過嘅，係次好大嘅挑戰，但可以話畀大家聽happy ending。」提到囡囡小珍珠已經歲半大，子溢大呻：「佢好百厭呀，表情古靈精怪又唔肯食嘢，啲頑皮嘢學晒我。湊住佢真係好攰，我寧願返工好啲，辛苦太太。」他又透露已幫囡囡報名返學，「報咗兩間，兩間都OK，仲要係心儀之選。」
子溢又稱與太太從來無避孕，而「追多個」就要睇天安排，「真係要請多個姐姐幫手，即使唔係再有咗，都唔想太太同外母咁辛苦，話晒外母年紀開始大，不過依家請工人好難，我每個星期一朝早起身撳電腦，訂姐姐隔離酒店，但冇次成功，我冇超級電腦，唔夠人快！」
