呂爵安（Edan）今日（9日）出席發布會，談到正在播映的《呂濤米Lo Seoul》，他覺得這次與姜濤、李駿傑、盧瀚霆玩得非常癲，節目組最初構思是好溫馨、甜蜜中帶點兄弟情，但到拍攝第二日已與想像中的不同，但玩得好開心。
節目中他們到韓國娛樂公司SMTOWN總部參觀，由Super Junior成員崔始源擔任導遊，Edan直言見到始源的時候「嘩」一聲，大讚他好專業，好nice，「記得晒你哋個名，睇晒你哋嘅嘢，好感受到自己係尊貴客人嘅感覺，係好值得我哋仿傚。」Edan被始源選為四人之中最靚仔的一個，Edan感覺一吐烏氣，「捱咗咁多年，終於有公道說話，始源前輩眼睛係雪亮。」姜濤透露MIRROR成員的合約只餘3年，又指想SM公司與他們簽約，Edan表示合約當然有一個年期，但可以續約及再傾，「我返去再睇下份合約先，我意向都係想去SM個邊，3年都太多啦！」
更多現場圖輯：
