吳若希在澳門舉行「吳若希《Gossip of Me》演唱會」，Jinny的家人，好友麥美欣、朱敏瀚、丁子朗、莊思敏、丁文俊、陳曉華、戴祖儀、陳楨怡等前往捧場。Jinny在獻唱《暗湧》和《半》後說：「入行15年，這是我第一次喺澳門開演唱會，心情緊張又興奮，係呢15年有不少我嘅流言蜚語，工作，感情，家庭，好多好多，今晚我會係舞台上面，畀大家睇清楚最真實嘅吳若希。」Jinny在花了最多心血和時間的跳唱環節上，一口氣跳唱了《召喚絲》、張惠妹的《Bad Boy》和六十年代經典英文歌《Venus》，Jinny 表示：「一直以嚟我嘅歌都係劇集歌，情歌，今次演唱會我發現，原來我都可以做一個跳唱歌手，真心要多謝陪我排咗好多日舞嘅排舞老師及舞蹈員。」
擔任嘉賓的詹天文獨唱《一切都是有原因的》及《大雕刻家》，Windy表示好開心可以做Jinny姐姐的演唱會嘉賓。Jinny 再回到台上獻唱了《火和火柴》、《別再記起》、《我沒有傷心》，然後粉絲代表更送上生日蛋糕，補祝她33歲生日及祝賀入行15周年；在獻唱《感激跟你能夠遇見》時，Jinny感觸落淚，最後演唱會在全場大合唱下以《越難越愛》作結。
Jinny完騷後透露：「喺開show前有兩三日係失咗聲，所以今日簡值係上天送俾我嘅一份禮物，昨日我把聲終於開返，我終於可以完成成個show嘅表演，好感動，多謝自己，多謝上天，都要多謝好多朋友係唔同嘅地方嚟支持我。我希望將呢個演唱會帶去更加多嘅地方，希望去內地巡演，希望可以帶到去美加，比多啲人見証到我嘅努力。」
她自評在跳舞方面表現值98分，因為已經盡晒力，當然知道在某些細節位可以做得更好，「不過，其實我完全唔知道我頭先跳舞時發生緊咩事，我腦裏面係一片空白，係完全靠自己嘅muscle memory將段舞跳出嚟，我返到後台嗰陣，係唔知自己跳成點，好彩排舞老師話我跳得好好，咁已經係好足夠，令到自己交到功課。」
Jinny 最後說：「今晚最感動嘅一part就係可以見到同我一齊成長嘅一班朋友，所以係成個show入面有一首歌就係送比每一位我遇見過嘅人，首歌叫做《感激能夠跟你遇見》，我唱嗰陣控制唔到眼淚，就係因為有你哋呢班朋友陪住我成長，成就咗我，所以係嗰一刻忍唔住喊。」
更多現場圖輯：
