
「爆炸戲棚」長壽音樂劇《我們的青春日誌》延伸出來的「青春外傳劇場」系列,三齣外傳將再度公演,「爆炸戲棚」藝術總監陳恩碩與有份參與的米雪、黃浩然、海兒、戴祖儀、Lolly Talk成員黃敏蕎、強尼等今日(5日)出席記者會。

首次演出獨腳音樂劇的戴祖儀(Joey)與黃敏蕎,擔演《Nancy亂噏Show》主角,她們感到好緊張,Joey坦言好驚,因為舞台劇與拍劇有好大分別,「所有嘢好直接,觀眾反應、即場爆肚位,唔知自己能唔能夠應付即場反應」,除了背對白,也要唱17首歌,覺得是個大挑戰。

黃敏蕎雖然曾有一次舞台劇演出經驗,但因為有對手兼角色戲分不多,較易應付,她認為音樂劇要具備好高的專業水平及能量,才可以傳遞予觀眾,「冇得NG,仲要有好高警覺性,好似我呢類咁傻嘅人要多啲練習。」

黃浩然笑指被身兼主創、導演及監製的藝術總監陳恩碩「𧨾入局」,主演《Ko’s Coffee 的最後一小時》,為《仁德風暴》擔任「錄像客串」的米雪覺得黃浩然的角色好好玩,要邊煮食、邊唱歌,再加演戲,她期待陳恩碩創作好劇本後𧨾她演出。
更多現場圖輯: