台灣賀歲電影《雙囍》昨日（24日）在港舉行首映，主角余香凝、劉冠廷、田啟文與導演許承傑出席。劉冠廷與余香凝合演夫婦，劉冠廷大讚新娘子漂亮，笑言當知道田雞演岳父時，懷疑余香凝是領養回來。
田雞透露小時候長相像外國人，因此曾被外國人睇中，「有個鬼佬話用兩萬蚊買我」，但被其父拒絕，田雞笑指曾問父親：「點解唔賣咗我，咁我就唔使捱，我發咗達可以返嚟認返你。」劉冠廷大爆田雞不時在片場打瞌睡，他與余香凝會走到田雞後面「合照」影黑圖。回雞表示認真演戲原來好攰，又指拍搞笑戲冇咁攰，與影帝影后做對手戲，要集中精神，好大壓力，期望這次能沾到旺氣，有機會在電影頒獎禮獲得提名。
新片在台灣票房邁向台幣三千萬，余香凝被封為「國民新娘」，她表示受寵若驚，「成世人無獲得過咁多讚美，好多人都話要娶我返屋企，但我已結咗婚。」
更多現場圖輯：
