阮兆祥今日（24日）出席無綫新節目《香港系列之細間始終你好》外景探班，他表示今次節目主要介紹香港一些懷舊特色小店，「今次真係好多地方都未去過，原來市區都有好多寶藏，今次呢間舖將中國傳統旗袍服飾推廣出去，如果今輯收視好，將會有機會再開第二輯，但大前提都係收視代表一切。」今次回歸電視台，祥仔說要多謝TVB俾機會，「啱我做嘅節目我都會返嚟做，今次好開心，每次出去拍外景都好多人同我打招呼，由一開始聽到理念我覺得好值得去做，因為香港好多小店值得推廣，好多回憶，童年時成日出現，但已買少見少。」
去年底他在完成最後一集電台節目《一圈圈》後便「封咪」離開商台，他表示這樣才有更多時間接觸不同工作，「而家已經唔使在電台開咪，因為之前電台工作佔咗我好多時間，唔經唔覺做咗商台11年，感覺已經挖空咗，都想衝出自己，但如果有機會都會返去，始終商台好照顧我，細時都會聽電台節目，所以好有歸屬感，但都要停一停，適當休息都係一件好事，都想俾自己休息抖吓氣。」對於李居明有意邀他演出6月將上演的《粵劇特朗普5.0》，「佢有搵過我，我其實都好有興趣，真係好多謝佢賞識我，但我怕唔夠時間排練，影響大家嘅進度所以推咗，希望將來有充份時間可以再合作。」去年梅小惠和阮兆祥及江欣燕一同主持的節目《友乜唔講得》反應相當好，他表示三人正籌備網上新節目，每集邀請不同嘉賓再次暢談。
更多現場圖輯：
