《一馬當先行大運》昨晚（23日）播出一集，邀得三位港姐莊子璇、倪樂琳及王汛文擔任嘉賓，獲麥玲玲師傅即場指點事業及姻緣運。玲玲師傅指莊子璇於馬年有貴人相助，事業運很強，不過玲玲師傅卻謂：「但我哋關注嘅唔係你事業，我哋最關注你嘅感情囉！」莊子璇即尷尬稱：「真係一塌糊塗呀！空白一片嘅，好迷惘嘅。」玲玲師傅指莊子璇的命格適宜配成熟男：「佢適合最少大8年嘅男仔，8至10年係最適合。」莊子璇聞言後口窒窒兼手震，最後玲玲師傅給莊子璇派定心丸：「同埋唔驚啦，你條命嫁得好好嘅！」大夥兒即發出羨慕的嘩嘩聲。
跟住玲玲師傅讚王汛文今年的事業運強，但王汛文反而更關心自己的愛情運，主動要求玲玲師傅指點迷津。玲玲師傅讚王汛文善解人意及思想成熟，其命格與莊子璇一樣，適宜與成熟男士拍拖。而倪樂琳眼大及黑眼珠大，屬好奇和怕悶的性格，反而適宜姊弟戀。
