陳豪今日（20日）出席活動，講到揸車，佢用「爽」來形自己手車，「好難得做汽車代言，唔錯體驗，車係必需，我哋交通工具，係第二個家，車入面會有嘢食，有花生及餅乾，一食嘢就成個人醒晒。」TVB《萬千星輝賀台慶》昨晚舉行，其中表演環節「光影傳承．薪火對話」內，陳豪、譚俊彥、張振朗及高海寧率領一眾後輩以音樂劇形式演出，豈料現場變成「歌聲災難」，譚俊彥演繹《葡萄成熟時》連番失準，張振朗與林俊其更自行「照頭淋」顏料變花面貓。網民看得目瞪口呆，紛紛留言狠批唱功，場面極度尷尬，幸好陳豪未有開金口唱歌，避過一劫，「我原本想rap，但無準備rap音樂，我作為一個歌手，唔熟嘅歌係唔會開口，既然唔識就唔好扮唱，扮唱又唔似所以就算，講返句公道說話，有啲藝人唔開聲唱，都唱得唔差，分別係有人出聲唱同有人唔出聲唱，其實台慶係講效果，出嚟效果有話題，觀眾睇得爽就好，至於搵我唱歌總有機會，我都有飲歌，劇集《天與地》首歌，攞過獎，但大家唔好再考研我唱歌，我都無再唱。」
台慶演出圖輯：
另外，陳豪主理Blooms-Coffee觀塘apm店開業4年宣布離場，「我想繼續但佢哋要收返位置做其他發展，原本生意係ok，所以都無辦法，原本個位置唔係鋪位，只係攤位，佢哋加電加水嚟為咗我哋試業，而家收返都無咩所謂，遲啲有機會再搵，但都要睇地點同租金。」
更多現場圖輯：
