朗豪坊20周年聖誕亮燈儀式昨日（13日）舉行，由冠君產業信託行政總裁侯迅、謝安琪擔任主禮嘉賓。2005年，朗豪坊開幕，成為旺角的潮流文化地標，早於開幕之初已設有Live Stage表演舞台，孕育出很多炙手可熱的本地歌手，謝安琪亦從朗豪坊舞台啟航。今年既是朗豪坊20周年慶典，亦是Kay出道20周年，所以特別邀請Kay重回夢想起點，分享由街頭唱到舞台的旅程。
Kay透露下月會去馬來西亞開騷順道搞家族旅行，除了一家四口之外，還包括雙方父母及兩人的公司同事等，趁兒子張瞻明年去澳洲讀書之前，留個開心回憶。張瞻近日擔任其助手，Kay讚兒子不再怕醜亦算醒目，會問她要不要咖排，亦會提她叫外賣，她讚賞兒子在叫外賣方面好有天分。Kay表示之前曾有人想搵兒子拍嘢，但因他怕醜及擔心做得唔好，所以拒絕。張瞻計劃攻讀與體育有關的科目，他想教小朋友踢波，之前曾經擔任中學球隊助教，Kay指兒子原本想做運動員，但得知做運動員要好刻苦之後，覺得做教練比較好。
更多現場圖輯：
