車婉婉的澳洲籍老公Jonathon是游泳教練，果然是虎父無犬子，8歲囝囝BBQ自升上小學，過去兩年參加學校的水運會均有好成績，小一奪銅牌，小二拎了個梗頸四都依然開心，今年報名三個項目，婉婉跟往年一樣，陪住餅印囝囝去到現場追星做粉絲，今年連老公Q Pa Pa都出場去打氣，成績不同凡響！
婉婉在社交網報喜留言：「今年BBQ先生報咗3個項目，50自、50背、25蛙，第一項目50自，居然游出他自己so far的最佳時間，仲攞到第四名，好開心呀！第二項目50背，時間都快過平時，得到第二名。第三項目25蛙，由於前兩年BBQ先生游蛙式都唔知頭唔知路，儍吓儍吓被DQ咗，所以今年Q MaMa諗住比（俾）佢建立返對蛙式嘅少少信心，報個短短哋試吓啦……點知，佢居然攞咗個金牌！我哋真係勁喜出望外，PaPa MaMa so proud of you BBQ！
「BBQ，你今年攞咗三個奬牌，證明你這一年嘅努力並沒有白費，但係不要驕傲，要繼續努力呀！PaPa MaMa會繼續陪伴支持你㗎」！
隨後婉婉再出Po延續開心心情，貼上BBQ的BB照，留言：「時間真係過得好快…一眨眼，8年前係一舊蕃薯，今日做咗『金牌得主』，真係不能低估小朋友嘅能力。BBQ開心仔，大個仔」，更不無感觸說：「大得太快，好掛住舊蕃薯」，笑指BBQ是「金牌蕃薯」!
