車婉婉送BBQ軍訓前歎腳底按摩　 蘇永康囝囝入營喊加油：七日後見

為了培養兒子的自律和獨立能力，胡杏兒的大仔Brendan，與黃依汶的囝囝陳真，去年暑假都被送到黃埔軍校訓練營特訓了7日；今年暑假，就有車婉婉的囝囝BBQ，與蘇永康囝囝Jazz都去接受軍訓。

車婉婉今日（22日）在社交網上載片段，留言：「星期六，Q MaMa、BBQ先生和好朋友仔一齊坐高鐵到廣州，準備第二日入黃埔軍校訓練營。入營之前帶咗佢哋去腳底按摩，為一星期的訓練作好準備。一早起身食個靚早餐，精神爽利入營去，好彩，廣州的天氣不太差，沒有影響小朋友入營，真係感恩。

「這次不單是BBQ的學習機會，亦都係Q MaMa的一個寶貴經驗，大家齊齊走出Comfort Zone！小朋友學習自己照顧自己，學習有紀律的生活；Q MaMa學習捨得，學習Let Go，信任BBQ…家長可以寫信比（俾）小朋友，交比（俾）生活老師，出發前的晚上，我攞起支筆，一寫就寫咗三封…一邊寫，一邊眼濕濕！真係好特別的一種感受。

「今日Day 2，Q MaMa 回港工作，希望BBQ先生繼續訓練順利，聽聽話話，MaMa 會好掛住你，為你祈禱！See u on day 7」。
Jazz前日（20日）入營時，在社交網貼上之前一晚由爸爸蘇永康拖住抵達廣州，然後當日早上出發去黃埔軍營的照片，並為自己加油：「七日後見！」