鍾柔美（Yumi）推出新歌《不欠你一個朋友》，這次挑戰演繹慢板情歌，唱出 Gen Z少女「沉錯船」的心聲，到頭來得場空，其實男方是「中央暖爐」（對任何女生都一樣好），發現自作多情、心痛過後只好離開。為配合歌曲內容，當中有個特寫鏡頭，Yumi的淚珠從眼眶緩緩落下，男主角欲伸手為她抹，Yumi卻心碎擰轉頭，畫面令人動容。Yumi說：「呢一場我喊咗好多次，完全代入咗首歌入面，好入戲，希望大家都 feel到我幾傷心啦。」
拍攝MV合共用了15小時，走訪7個地點取景，Yumi 除了與男主角甜蜜互動，穿著晚裝坐在三角鋼琴前自彈自唱。之前因為天氣不穩定及颱風暴雨頻密，令拍攝由7月中改到8月中，幸好拍攝當日天公造美。Yumi提到：「慢歌對我嚟講係一個大挑戰，慢歌唔係自己強項，花咗好多時間錄音，要好好處理情感嘅演繹，好多謝監製小彤好有耐性陪住我。我帶住呢份感覺去拍MV，好快就入到戲，希望大家會鍾意我呢個新嘗試啦。」
更多圖輯：
