盧慧敏（Amy）新歌《綠縈》MV昨日（15日）上架，並自組三人mini crew遠赴日本長野取景，穿過繁華的城市，走到綠油油的山嶺，乘火車遊覽風景，欣賞燦爛煙花。Amy認為今次拍攝最困難，並非因為人手短缺，「好困難，因為啲地方太靚，好難去揀喺邊個地方拍。」
MV中的Amy穿著大地色的tee恤短褲、運動鞋、孭起背囊，手執攝影機，蹲在大石頭上、河流邊、隨性地坐在地上，還在草原木和山坡上奔跑，非常寫意。蝴蝶降落在她的掌心，親親大自然。
Amy表示雖然今次MV沒有特別的故事背景，但透過鏡頭表達她的小小心願，她說：「希望大家鍾意呢一個MV，其實冇乜故事可言，純粹係人生其中一個旅程，其中一段路仔嘅記錄，我希望呢首歌同埋MV，陪大家走過人生嘅一段路仔，裏面嘅一個小小章節。」
