商台今年66周年台慶，壓軸登場的重頭戲，由叱咤903主辦的《拉闊音樂會Most Wanted 鄭秀文x張敬軒》將於11月1日假亞博館舉行，為配合音樂會主題「Most Wanted」，鄭秀文（Sammi）與張敬軒以美國西部牛仔造型拍攝宣傳照。Sammi對上一次為拉闊演出已經是2001年，她說：「二十四年後再次踏上拉闊舞台，我已經好興奮，預演緊一啲想唱嘅歌，或者想出現嘅畫面。」Sammi表示與軒仔同樣是在生命裏面有經歷的人，及擁有多面向的特質，好明白對方，「成個show唔只得我，亦唔係只有軒仔，呢個係『我們』嘅show，所以我好期待呢個二人成為一體嘅show，希望到時呈現到一加一大於二呢個效果出嚟。」
演唱會圖輯：
對於能夠與Sammi合作，軒仔直言有中獎感覺：「Sammi係一個Super Star，有機會同一位Legendary Artist合作，好似中獎咁，真係成就解鎖。Sammi嘅前瞻性係我嘅Role Model，呢場拉闊音樂會絕對係Once in a Lifetime。我以前每一晚都有追《大頭綠衣鬥殭屍》，我通常都係頒獎禮或大Show先見到Sammi，離遠望，唔夠膽同佢講嘢。第一次真真正正同Sammi講嘢係做佢演唱會嘉賓，嗰時好開心、好激動。而家我都仲有呢種緊張，因為佢喺我哋眼中永遠都係Diva。」軒仔已經在計劃最想與Sammi合唱甚麼歌，以及合作甚縻表演，「其中一樣就係想同Sammi跳舞」。
張敬軒《拉闊》圖輯：
