電影《夜王》氣勢如虹，票房突破8500萬大關！導演吳煒倫今日（8日）率領鄭秀文（Sammi）、李芯駖、何啟華（Dee）、林熙彤（Hazel）及趙君瑜（Angelina）現身謝票活動，與粉絲近距離互動，場面熱鬧。
活動上，三位忠實粉絲Cosplay成Sammi在片中的角色「V姐」，造型維妙維肖，逗得Sammi哭笑不得：「如果話觀眾似我，我係咪應該都有啲傷心？」她更大讚粉絲誠意十足，尤其是一位專程從重慶飛來香港支持的粉絲，讓她感動不已。被問到若有人扮導演要如何，Sammi笑言：「要剃頭㗎，好大犧牲喎！」
近日盛傳Sammi將在啟德體育園開演唱會，她賣關子笑說：「我冇暗示啊！我話唔知，大家都可以儲定錢嘅，唔好咁心急啦！」她透露若果真係開騷，會考慮邀請芯駖上台跳舞助興：「搵芯駖幫手跳舞當然好，如果各位兄弟姊妹能夠嚟捧場當然好，一齊上台玩更加開心，Every one is a Superstar！」
導演吳煒倫透露想挑戰喪屍題材，被問到會否起用《夜王》原班人馬，他笑言：「呢個班底我覺得佢哋唔會肯。」此話一出即引來演員反擊！Dee率先自爆：「其實我已經做咗幾十年，一直都好喪。」芯駖亦不甘示弱：「我落咗妝就係喪屍，尤其是唔化妝同唔整頭嗰陣！」向來熱愛運動的Sammi更霸氣表示：「我做咁多運動，你覺得我會驚周圍跑？」
對於票房走勢，吳煒倫滿懷期望：「好似有好多人睇咗，但實質仲有人未睇。本來開頭有少少猶豫覺得呢一齣係咩戲，但因為口碑希望觀眾都能夠入場。」他透露電影加長版能否面世，全賴票房走勢決定。談到楊偲泳戲份被剪走，他解釋：「剪接確實係一個好辛苦嘅工作，其實唔止楊偲泳，好多演員都俾我剪走咗一啲戲，好多都係老闆決定。」
