無綫本周日（17日）播出的《聲秀》，本回合為「導師助力戰」，由導師與學員合作演唱，歌單如下：泳兒、徐惠晴（Vanessa）《感應》；吳浩康、陸卓謙（Jeffrey）《給愛麗絲》；蘇永康、甄敏芳（Jenny）《來夜方長》；劉浩龍、鄧偉謙（Theodre）《朋友二號》；鍾舒漫、司徒泆（Haru）《Sugar In The Marmalade》；譚耀文、蕭凱恩（Michelle）《講男講女》；胡鴻鈞、周智敏（Emily）《永久損毀》。
今集焦點落在兩位「Daddy系導師」譚耀文及蘇永康身上。先說譚耀文，為了令擅長演繹Classic曲風的視障學員蕭凱恩（Michelle）迎來突破、跳出Comfort Zone，阿譚專誠為她挑選了R&B曲風的《講男講女》，當中尤以節奏感＋律動動作最具挑戰性。對於Michelle勇於接受挑戰及一再努力苦練，譚耀文大讚：「佢好勤力、好乖。」阿譚除到Michelle屋企附近進行一對一指導，還托音樂界好友找來歌曲原唱者露雲娜親臨錄音室教授Michelle，露雲娜席間向Michelle大派定心丸：「You can do so well, I am sure」，令Michelle相當感動。
事後露雲娜接受官方訪問時，繼續對Michelle讚不絕口，並表示周日晚一定要開電視支持Michelle：「首歌唔易唱，我第一次聽Michelle唱我好開心，因為佢好乖、練熟晒啲歌詞，同埋佢把聲同唱功都非常之好」、「我好鍾意佢，佢好開心正面同真誠，好感動到我，個人真誠唱起歌上嚟都特別好聽。」
經過阿譚細心安排的一連串特訓後，Michelle上台表演一刻不但揮灑自如、還以曼妙的歌聲俘虜了現場評審的心。「手緊王」評審趙增熹：「我一聽到佢（Michelle）開口係好大嘅surprise，係一把新嘅Michelle嘅聲。」郭偉亮：「你有晒感情、氣聲、轉音、好多Tone，好interesting，同埋最主要你係有passion。」阿譚表演期間為給Michelle精神及實際支持，一度溫柔地騰出手臂讓Michelle翹住，畫面溫馨。
在第一Round已被公認為「Daddy」的蘇永康，與學員甄敏芳（Jenny）排練《來夜方長》時繼續發揮無微不至mode，給予Jenny滿滿的情緒價值。自少缺乏讚賞及自信的Jenny，坦言蘇永康的鼓勵及肯定令她叉足電：「原來有人認同係咁樣嘅。」蘇永康則語重心長謂：「希望佢透過呢個比賽，可以遇到多啲同路嘅朋友，佢就會知道更多自己長處，或者短處喺邊度。」蘇永康表演前更貼心叮囑Jenny、並以「爸爸」自居：「你唔好當我喺身後，爸爸is everywhere。」
二人表演完畢後，Jenny繼續大爆蘇永康貼心行徑：「我其實每次唱歌之前都會好緊張，所以我就會唔食嘢。但佢今朝竟然特登買咗個早餐俾我，真係好感動。」最終，將表演主題定為「爸爸看着愛女出嫁」的二人，被取笑唱出來的感覺像「爸爸娶了女兒」；搞笑的是，率先贏得正評的，竟是蘇永康本人，舒文：「（蘇永康）比當年唱得仲好咗。」
