第四十二屆香港電影金像獎於今晚（14日）結束，電影《金手指》橫掃六個獎項，成為今晚最大贏家，《白日之下》及《命案》亦分別獲得三個獎項。
梁朝偉第六度封帝
男主角梁朝偉憑《金手指》再度奪得影帝，獲得十二次提名的梁朝偉，已是第六次奪得此獎。梁朝偉因在德國拍戲而以視像方式參與，並由太太劉嘉玲領獎。梁朝偉表示，十多年沒有在香港金像獎奪獎，多謝台前幕後眾人，最後感謝太太多年來的鼓勵及支持。
劉嘉玲隨後說：「我知道梁朝偉一攞獎，好多人就會話天啊， 又係佢，畀啲機會人啦，但係我咁多年喺佢身邊，我覺得梁朝偉，真係係一個好偉大嘅演員……」梁朝偉立即打斷：「千祈唔好咁講！好演員可以，偉大就唔係啦。」劉嘉玲補充：「普通演員可能付出100至200分嘅努力，梁朝偉先生係付出咗 500至1000分嘅努力。香港有個咁偉大嘅演員，我哋應該驕傲。」梁朝偉最後說：「唔好講偉大，講好嘅演員就OK。」
余香凝憑《白日之下》封后：希望我做到你哋記者嘅精神
余香凝亦憑電影《白日之下》獲封影后。余香凝在台上說，自己能夠站在台上，是因為特別幸運，遇上《白日之下》團隊。她感謝每一位台前幕後，尤其是特約演員，並感謝電影的兩名原型記者，「希望我做到你哋記者嘅精神。」
余香凝育有一子一女，她在台上對子女說：「希望你哋都有自己嘅夢想，我會用我一生鑽研點樣成為一個更好嘅演員。」最後她說：「作為一名女性，無論喺人生邊一個階段，我哋都可以努力去追求夢想。」
姜大衛及梁雍婷 獲最佳男女配角
同劇演員姜大衛及梁雍婷亦分別奪得最佳男配角及最佳女配角的殊榮。姜大衛得獎時，全場站立鼓掌。他說，想將這個獎項頒給太太，「因為今年係我同太太結婚五十週年，佢話想低調啲，我就用最低調嘅方法送畀你。」太太李琳琳在台下獻上飛吻，並感動落淚。
他又提到，「呢幾十年，我淨係做過一份工，電影畀咗我一切，畀咗我屋企，畀咗我工作，畀咗我朋友，畀咗我所有嘢。如果有第二世，我仲希望做電影人。」最後，他感謝古天樂、弟弟爾冬陞、導演簡君晉和張徹導演。
而首次獲提名便成功奪獎的梁雍婷，在得獎時一度哽咽。她感謝大家的支持，形容獲獎是「每一個演員的夢想」。她感謝導演簡君晉拍攝了一套「有力量和溫柔的電影」。她指，「我覺得自己係一個好幸運的女仔，遇到好多好好嘅人帶我入行。多謝在天上嘅廖啟智老師，希望大家好似《白日之下》呢套電影咁，願意繼續做一個善良嘅人。」
《毒舌大狀》獲10項提名 最終只奪最佳電影
至於今屆的最佳電影由《毒舌大狀》奪得，該劇創下1.15億港元票房，為二〇二三年香港票房冠軍。導演吳煒倫說：「多謝投票及買票入場支持的香港觀眾，拍攝這齣電影時，我感受到所有台前幕後的工作人員上下一心參與拍攝，呢樣比攞奬更重要。而家每一齣港產片都咁艱難去拍嘅時候，我希望每一個電影人，大家都係上下一心去做好手頭上嘅電影。」
