觀眾夜晚九點半打開電視見唔到Saving係咪好失落呢？唔緊要，王浩信好快又有新劇《踩過界》，而且今次是港人熱愛的偵探劇。這一班演員將會擦出甚麼火花，你又最期待邊個演出呢？
浩信自上年飾演渠頭村長已經成為話題，最近又在《不懂撒嬌的女人》飾演暖男Saving，加上本身高大威猛的外型，迷倒一眾女性觀眾，甚至連男人都話有型。今次他在《踩過界》做一個盲律師，人稱「盲俠」。預告片中他說「比起贏官司，我更加想做番一個人」，真係型到過晒界。到底他為自己心目中的公義可以去到幾盡呢？
自《EU超時任務》後，觀眾一直好期待見到朱千雪再同浩信合作，現在有機會啦！讀完書番來拍劇的千雪雖然只是飾演「盲俠」的前女友，但仍然與浩信有感情線。看預告她的戲份不多但宣傳海報上就有千雪的樣子，她會帶來怎樣的演出呢？
李佳芯在《律政強人》擔正做女主角，觀眾的評語好壞參半，但她的定位都是停留在「嫵媚性感」。在《踩過界》亦不例外，她飾演一位法官，劇中有多場性感戲，其中與浩信有一場激烈床戲，但又與張振朗有感情線，那她的感情何去何從呢？
張振朗亦是另一位靚仔，從扮張智霖開始出名，近年慢慢得到更多演出機會。他飾演「盲俠」的好友，由警察轉做私家偵探是希望挑戰更大尺度的搜查，仲話「我就係佢對眼，我睇到既嘢就係證據」，看來他都是一位正義感很重的偵探。
三色台之前力捧蔡思貝，俾多套劇集她擔正做女主角，可惜演技不是話有就有的，實力不足就惹來網民反感，成為收視毒藥。今次她飾演哨牙黑道女，已經不是之前那種以完美性格故意討好觀眾的角色，但仍有網民表示只要見到她就拒絕收看。不知道會睇《踩過界》的觀眾又覺得她演技有沒有進步呢？
圖片來源：互聯網
