無綫風水賀年節目《2024 風生水起》明日（5日）至周四（8日）播放。明晚一集「龍年開運搵師傅」邀來吳若希（Jinny）任嘉賓，玲玲師傅指Jinny八字命格多衝擊，跟任何人結婚一樣都會磨擦多，並叮囑Jinny搵屋要謹慎：「唔好揀鬧交嘅屋，或擺設上多衝擊。你本身命格是非多，躺著也中槍，小就是非，大就官非。」玲玲師傅先指屋內不要放太多公仔，容易招惹是非，同時要留意主人房廁所是否沖睡床，橫沖影響健康，直沖則影響夫妻感情；到底何為橫沖何為直沖，節目自有分曉。玲玲師傅又提醒留意廚房佈局，不宜太多反光物料，折射灶頭容易出現三角關係。她又教Jinny將女兒書桌移向西北文昌位，並擺放一種植物可增強子女讀書運。
後晚（6日）一集「龍年開運搵師傅」邀來馮盈盈擔任嘉賓，去年重返校園修讀食品產業管理市場營銷碩士課程的盈盈，難得以學生身份現身，當然捉住玲玲師傅請教增強文昌運妙法。盈盈表示上學期成績奪得A-，希望下學期能奪A+，望以一級榮譽成績畢業。玲玲師傅指讀書運觀額頭和耳朵，盈盈額頭飽滿明亮、耳朵亦輪廓分明，絕對是一名學霸。她又指盈盈屬狗雖然沖太歲，但藝人犯太歲反而機會多，建議盈盈今年多現身幕前，有助名氣提升。談到桃花運，盈盈揚言不想拍拖，玲玲師傅聞言即突破盲點：「咁一定係受咗情傷！」
