開心妍（Jade）和囡囡楊榮心現身香港書展，為著作《自家訓練系列》宣傳及舉行簽書會。Jade感謝羅乃萱邀請參與製作，故事以囡囡日常生活作藍圖，「其實今次係慈善基金project，我都寫咗幾隻兒歌，同埋心心一齊唱。我覺得而家嘅小朋友，要學識自理、自己嘅事自己做，希望透過圖書可以同佢哋分享當中嘅道理。」
提到早前囡囡心心生日，Jade為她舉行生日會：「我哋習慣每年都搞生日party，年年都有指定主題，本來亞囡都揀定卡通人物，點知冇啦啦『變心』，不過阿媽都會滿足佢嘅，佢講一句好開心就可以㗎啦！」Jade今個月31日迎來43歲，她指防疫限制稍為緩和，計劃與歌迷會一齊慶祝，「因為好多年都冇同歌迷會一齊過生日，本來生日嗰個星期係我嘅假期，但我決定用嚟陪fans，分幾場同佢地見面。」
