馮允謙（Jay）四場「Have a JAY Time 2022 演唱會」，昨晚圓滿落幕。尾場請來張敬軒擔任嘉賓，兩人在台上交換禮物，大玩食字，引爆連場笑聲。
兩人合唱《愛斯基摩人之吻》後，軒仔拿出一份很有紀念價值的禮物送給Jay，令他十分驚喜。軒仔一邊脫下手上的手錶一邊說：「2008年我首次踏足紅館，之後出糧，人生第一次收到咁大份收入，所以買咗一隻好出名嘅手錶送俾自己，今晚我決定送呢隻手錶俾你。」Jay不敢相信，軒仔親自為他戴上，並說：「希望你唔好介意係二手，呢隻手錶陪伴我開過好多演唱會，每次綵排都會戴住佢，當時有一段好長嘅時候，呢隻手錶係我人生最貴嘅手錶。」他語重深長：「希望藉着呢隻手錶話你知，我哋呢行好現實，長江後浪推前浪，珍惜時間，把握機會，我哋紅館見！」Jay感動得攬實軒仔說：「我一定會加油！」
看到如此貴重的禮物，Jay坦言回禮不及其手錶珍貴，軒仔搞笑地說：「封返封老毛俾我得啦！」Jay不明白，軒仔說：「即係利市，真係廣東話黑洞！」Jay送上一個金色的球體，軒仔笑說：「呢個形狀好引人遐想喎！」Jay則說：「好似一粒栗子，係Church Bell，啲聲係咪好舒服呢？」軒仔說：「你好舒服咩？我通常揸住呢啲嘢喺手唔係好舒服，人哋揸就唔知！」面對軒仔的笑話，Jay大笑起來，軒仔說：「你自己中文唔好，做乜搞呢啲gag呢？！」
演唱會尾聲，全場突然一齊高舉「下次紅館見」手幅，並大合唱《山旮旯》，場面壯觀，Jay非常感動，承諾盡力盡快踏上紅館舞台。
