Advertisement

張頴康笑言與譚俊彥基底 鄧佩儀曾被閨密搶男友

本地
2021.10.21
361
撰文:王崇頴攝影:王崇頴

 

whatsapp-image-2021-10-21-at-16-51-26

譚俊彥、鄧佩儀、張頴康、蔣家旻、劉佩玥、林凱恩、丘梓謙、吳天兒、羅孝勇等今日於觀塘為劇集《換命真相》進行宣傳,張頴康與譚俊彥兩人已第三次合作,話題不斷,連劇中女演員都搭不上嘴,張頴康表示,「今次第三次合作,一見面就好多話題,其他女同事都避開我哋,因為我哋結晒婚,會阻住我哋傾偈,(傾咩話題?)我哋講都係多數同器官有關,其他人接唔到,同其他演員,大家空間唔同。」會否傾湊仔經?「有咩好傾,小朋友自己會長大,所以傾湊仔經好浪費時間,況且大家照顧小朋友的方式都不同,傾都無用。」問到兩人會否怕被傳基,張頴康說:「我們根本基底,劇中對白都有講中途轉基,現實中唔會喇,唔好要老婆傷心。」

譚俊彥表示今次有幸可以於劇中唱插曲感開心,「因為劇中有一幕,我要唱歌求婚,咁監製話不如唱埋喇!」問到會否考慮再出碟?「不會,自己唱歌無天分,今次錄歌前,每朝都練歌,而且練了幾個星期!」

鄧佩儀劇中誤會劉佩玥搶自己男朋友,她表示現實中同樣遇渣男,慘被閨密搶男友,「入行後都遇過渣男,俾好朋友搶咗男朋友,兩個都是圈外人,其實很多事情自己會感覺得到,有時會在他們的社交平台透露很多線索,而且渣男向來玩慣,他們身邊朋友會幫他,所以要小心。」

聲夢傳奇 星級企業大獎2020 MIRROR
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹