上周六（4日），天文台發出紅色暴雨警告，多個地區發生嚴重水浸，當時蔡潔正駕車返電視城開工，在將軍澳遇到暴雨來襲，被困車廂中等待救援，大半邊車身浸在水中的畫面，還登上央視新聞，最後座駕要報廢。
蔡潔待心情平伏，昨日（6日）在社交平台上載事發時的照片抒發感受，「我架小白光榮退休啦！我會記得開住你到處走嘅日子，多謝你陪住我返工放工，唔開心嘅時候會匿埋喺你度聽歌聽幾個鐘，你又車過我好多巨星朋友，同埋爸爸話我知，前兩日你仲上埋央視新聞，威過我啊！再見啦！之前的日子感恩有你！」蔡潔當日獲救後，自言回到公司「已經喊到豬頭咁」，多謝所有曾經慰問她的朋友，包括樂易玲，「大家都好熱心咁睇下有無嘢幫到我，人間有愛！」有人指出全靠她的車，救了後面無數架車，蔡潔感謝消防員的救援及為她拖車的車房朋友，自言過了兩日才「回到魂」，「多咗一種人生經歷，同埋最緊要係，大家都平平安安。」
更多圖片：
圖片來源：蔡潔@instagram
