胡鴻鈞（Hubert）與JW（王灝兒）現身網上平台Jam歌，JW未加盟星夢娛樂前，已經與Hubert相熟，時常分享大小事情，互相幫忙。提到早前Hubert推出新歌《整親》，當中的「刀削麵」歌詞有自嘲意味，他坦言被取笑面形多年，已經不再介懷，反而希望藉着把這些親身經歷化為歌詞，用作鼓勵時下青年人，不需要害怕，要勇敢自信地活得自在。
JW很佩服他有這份勇氣，而自己也是一直受到網上欺凌，從前很介意，總是細看網民留言與批評，幸而現在已懂得平常心對待，她說：「由得佢地講囉，譬如有人攻擊你，講一些不負責任說話鬧你咁，千祈唔好嚴重對待，最近有一些別人的歌迷，似係唔鍾意我，日日留言俾我，我長頭髮又話我跟人，我紅色指甲油又話我跟佢，我同BB影相，都可以有人留言問我做咩對住BB發姣‥‥‥但係我唔會放係心上囉。」Hubert笑言：「佢可能鍾意你，想用咁嘅方法吸引你呢！」
JW又透露入行前很喜歡黎明，記得第一次與他見面時興奮得不敢相信，當時她寄DEMO到唱片公司，黎明全部都聽過，還讚她唱Rihanna的《Unfaithful》感動得想哭。JW轉投星夢旗下，有幸參與拍攝無綫劇集，令她興奮又期待，因為一直以來最想嘗試拍劇，她說:「真係好想挑戰下，以前拍MV，我連女主角都冇份做，只係旁邊咪嘴。」Hubert又開玩笑：「冇你做女主角啲歌先Hit喎，哈哈～」
部分圖片來源：JW、胡鴻鈞@Instagram
