2007年港姐冠軍張嘉兒大女劉在芯（Leora）已經4歲，一進入適學年齡，已經要喺屋企練習寫字，今日足足寫咗20次「心」字，仲喺側邊畫埋公字。不過，媽媽似乎覺得囡囡仲有唔少進步空間，所以開Post問大家收唔收貨。
網民睇到張嘉兒發問都好踴躍答佢，佢哋最主要嘅意見千祈唔好擦走囡囡寫嘅「心」字，因為咁做會令佢好有挫敗感，下次可以試下先喺佢面前寫一次，然後擦走，等囡囡可以跟字跡寫。另外，有網民建議佢同囡囡講解點解「心」字會咁寫，甚至用故事或圖畫形式，令佢更易記得「心」字嘅形，令佢知道心係生喺身體入面。
圖片來源：張嘉兒＠Instagram