劉德華和劉青雲主演的電影《拆彈專家2》將於今年底壓軸登場。從預告片可見，劉德華在電影中親身上陣拍攝了不少肉搏打鬥、奔跑、翻滾飛躍等鏡頭，這是繼他墮馬意外事件後，有最多動作場面的電影。
向來做事認真的劉德華為求拍出理想效果，大部分動作戲分均決定親自上陣，而且表現自如，沒有半點疲態，事後問到劉德華可有被該等鏡頭難倒？他笑言no problem：「好清楚自己身體狀況，反而武指、導演會擔心啲，我都叫佢哋唔使擔心。今次爆炸、拳腳動作等場面，過往我都曾經做過，所以能夠應付！不過如果拍攝過程一次唔得、兩次唔得、三次唔得，咁我就會比較辛苦，但導演安排好好，動作場面拍一、兩Take就完成。」
敏捷的身手固然是劉德華在《拆彈專家2》的看點，另一幕若隱若現、暗晒胸肌腹肌的畫面也甚有睇頭。劉德華表示：「老實講，身體自上次受傷之後，冇以前咁fit，我覺得喺體形各方面應該要盡快追番呢25%，當然要飲食、運動、生活各方面配合，身邊嘅人成日都讚我fit，所以劉德華唔fit真係會畀人笑，佢哋嘅鼓勵就是對我的鞭策。」
