【逃獄兄弟】栢天男監倉被虐打 譚耀文：做打人角色更擔心

由新導演麥浩邦執導，譚耀文、張繼聰、栢天男（Adam）以及張建聲等人主演的電影《逃獄兄弟》將於今個冬天上映。戲中演新囚的Adam，在獄中多次遭虐打，扯頭髮、拮手指應有盡有，Adam表示導演要求每一場都要很逼真的，故所有被打戲都「頂硬上」，他說：「拳拳到肉，所以拳打腳踢是真，好多損傷是真！」

睇見都痛

「新丁」Adam甫入獄，獄中一大惡人阿聲先下馬威，聯同手下在監倉虐打Adam、用磨尖了的牙刷拮手指扯頭髮欺凌，Adam 憶述拍攝時更是真的刺傷流血，最後和阿聲更一致認為將錯就錯繼續拍，「場戲要我邊爭扎邊被拮手指，混亂中真係拮到流血，我自己好滿意畫面，亦好開心可以同阿聲合作好。」

另外，Adam還需被心口碎大石，飾演獄中另一巨頭的譚哥，以大鎚子隔著木板大力大力毆打Adam胸口。Adam直言看到劇本時，自己就一打一驚心，不過到現場時譚哥卻比他更擔心，生怕用錯力令木板斷開，又或直接錯手打至Adam內傷，「有時做打人角色更擔心，因為若果留力效果就會唔真，戲亦唔好睇，但太逼真會令對手害怕，但幸好我們經驗夠，又合作過，Adam好定，最終順利完成。」Adam則感謝譚哥照顧，亦好相信譚哥，所以不太害怕。