被封為「超齡樂壇新人」的陳志雲最近積極宣傳其個人YouTube頻道，他表示於本月24日晚上9時與老友王喜一同舉行的免費騷《我不是歌手演唱會》。志雲指在疫情下，市民都留家中，「我希望拋磚引玉，之後天王天后晚晚開免費騷！」
志雲笑說：「我唔係歌手，有咩好睇？咪睇下我邊度甩拍，同埋邊度走音！」提及王喜，志雲直言：「王喜想藉今次演唱會令觀眾課金，佢想搵錢！王喜出過三隻碟，觀眾對佢有期望，但佢三隻碟真係好難聽，如果我係監製唔會幫佢出第四張，所以佢咪搞成依家咁！」他又表示演唱會有兩大賣點，「我唔係歌手，有咩好睇？咪睇下我邊度甩拍，同埋邊度走音！」
至於王喜亦幫忙拍片宣傳，以ABC口音說：「Well actually，我哋音樂理念好相近，我去New York stay咗兩個禮拜，learn咗啲新嘅music同dancing！大家見到陳生跳舞應該會行開，我跳舞會叻啲。」他坦言不搞實體騷，並非因怕「限聚令」要罰錢，「我哋係驚無人嚟！所以用個update嘅方法，you know就係technology！」
