歌手雨僑與羅力威2018年拉埋天窗，兩公婆趁住今日情人節公布喜訊，雙雙在社交網貼出溫馨合照和童年照，表示懷有鼠寶寶。
雨僑感恩寫道：「祝各位情人節快樂！兒女是耶和華所賜的產業；所懷的胎是祂所給的賞賜。(詩127: 3) 感謝主賜給我們這個寶貴的小生命， 不知道你會比較像爸爸還是媽媽呢？」
老公羅力威亦發文：「呢個世界又多一個小生命喇， 從此食飯多雙筷喇。霎時間感覺到天父創造嘅奇妙和天下媽媽們嘅偉大，終於到我們正式加入父母嘅行列。Hello BB，你好。首先多謝你俾機會我哋做你爸爸媽媽，請多多指教。你現階段作為一粒bb嚟講，絕對有責任要高抬貴手仔你媽媽個肚，而我相信媽媽亦都會好小心擏錫住你，唔食大辣，同媽咪好好相處知嗎？ c u later luv u.」
圖片來源：雨僑@Instagram