楊千嬅前晚情人節於澳門舉行兩場《楊千嬅MY TREE OF LIVE世界巡迴演唱會》，千嬅老公丁子高、仔仔Torres、圈中好友許紹雄（Benz雄）與黎芷珊等都有捧場。千嬅和Benz雄曾合作拍攝經典電影《新紮師妹》，飾演方麗娟和方中SIR。如今在演唱會上遇見，讓觀眾充滿回憶，當千嬅跟台下的Benz雄打招呼時，觀眾歡呼不斷。千嬅於台上不單向他敬禮，還笑道，「新年呀，咦，你個女同屋企人都嚟咗呀？同我俾利市佢先啦，佢啱啱結婚呀，我俾封利市你哋，祝你哋百年好合永結同心，方中SIR就最緊要身體健康。」
難得開騷撞正情人節，千嬅於演唱會上說，「今日情人節，大家有份愛先會揀今日嚟澳門同我一齊過，不如今日玩個情人節遊戲，邊個拍拖來？或者已經係一對？或者想我幫你手搵男、女朋友？舉手我派利市俾你。」現場大會錄影機不斷搵甜蜜情人，其中一位歌迷爆笑表示，她旁邊的男觀眾，主動撩她，問她是否記得14年前曾有緣一齊通宵排隊買楊千嬅的演唱會飛；而該男歌迷更大方承認，向千嬅喊道，「都係因為你，所以我先記到佢！」千嬅即問他們有沒有興趣發展，又向他們派利市，非常搞笑。
騷後千嬅指，龍年是一個新開始，去年已經走遍大江南北戶外體育場，今年計劃搬進體育館，繼續去很多未去過的地方巡唱。對於Benz雄到澳門看演唱會，千嬅感動說：「Benz雄係我另一個爸爸，同佢合作我永遠都好安心，佢係我生命中一個伯樂，俾咗好多人生養分我。今日見到佢一家人坐喺度，我識佢個女嗰陣，佢仲讀緊書，依家都結埋婚，更加戥佢開心，所以我都揀咗《好不容易遇見愛》唱，人與人之間的緣份好微妙，每一個好朋友都要好好珍惜。」