情人節奉旨放閃，方媛就在社交平台貼上與老公郭富城開住靚靚跑車，載住自己遊車河的甜蜜照；阿姐汪明荃就曬出老公羅家英送她3支紅玫瑰小花束，甜蜜留言：「情人節收到花還是開心的，謝謝家英哥。」
陳家樂和連詩雅（Shiga）婚後首個情人節，Shiga先貼上與老公在茶餐廳，二人用手比出心心的照片，並寫有：「陳生話好情人先會去茶記，大家情人節快樂！」然後家樂就分享在家下廚後，跟老婆撐枱腳慶祝片段，留言:「煮飯真係唔容易嘅事！首先要用一個鐘頭係（喺）街市買餸，返到屋企7點鐘，一入廚房出返嚟已經9點鐘！平時真係辛苦陳太！你係最好㗎！情人節快樂！#以後廚房都係交返俾你 #強烈要求情人節改為四年一次。」Shiga也留言：「你而家明呢！情人節快樂！辛苦曬！」不過他們均沒公開二人合照。
至於去年被爆與圈外女友拍拖的何廣沛，就貼上女友視角的開心拖手照；陳煒就分享捧着大束鮮花街拍照，留言大讚老公：「陳醫生真係好有taste，束花好靚好靚好靚，非常之鍾意，情人節快樂！」顧紀筠亦貼上在其豪宅捧着一束玫瑰花的照片。
