E-kids成員阮民安（Tommy）近月在香港社會事件高調表明立場受網民讚賞，其個人社交帳戶言論亦被高度關注。噚晚Tommy又喺社交網發文，仲有9百幾個留言，但今次同社會事件無關，而係講佢位網紅太太Eva被某位「亞洲巨星」約上酒店，到底發生咩事呢？
阮民安：「如果你發現有一個紅遍全亞洲，形象極好嘅天王巨星嚟咗香港，想約你老婆上佢酒店房，您會點做？What？？？仲要係9月？（Eva梗係好有禮貌咁reject咗啦）？咁紅嘅對手，未遇過，畀我冷靜處理吓先！」
除咗呢段文字，Tommy仲upload咗三張對話cap圖，內容大概係講呢位巨星會嚟香港過一晚夜，想邀請Eva上酒店，但Eva就禮貌地婉拒咗。
對於此事，Tommy回應本地媒體時表示呢件係家事，會自己私底下處理，亦唔會開名講呢位「亞洲巨星」係邊位。但係偵探上身嘅網民已搜集不少資料和證據去確認真身是誰，現有嘅主要線索係佢9月嚟過香港，而且形象正面。至於呢位「巨星」係邊個？大家應心裏有數吧。
圖片來源：阮民安、張倚雯@Facebook