張兆輝昨日（23日）從上海趕赴澳門出席《2019第十一屆澳門國際電影節》，輝哥憑電影《催眠・裁決》榮獲「最佳男配角」，擊敗吳孟達、杜江、李雪健及歐豪等強勁對手。
輝哥在台上分享得獎感受：「首先我要多謝我嘅師兄杜琪峰，佢帶我入咗電影圏，多謝《催眠・裁決》嘅投資方、監制同埋三位導演黎兆鈞、施柏林、劉永泰對我做呢個角色嘅信任！我嘅人生一直都唔係風平浪靜，經歷過好多高低，好多謝一直喺我身邊支持我嘅屋企人，我嘅朋友、我嘅兄弟在心中，你哋令我灰色嘅人生加添色彩。」輝哥同時又感謝曾經同我合作過嘅每一位電影人，「我真係好鍾意電影、好享受每一場戲、我會繼續努力、多謝大家！」
頒獎禮結束後，輝哥即與好友及投資方慶祝兼做冬，「昨晚已經有好多投資方同我傾啲新合作，希望將來我嘅演藝事業可以再為大家帶來驚喜，再一次多謝大家鍾意鄧兆強一角，今晚我會再同屋企人慶祝。」
