董敏莉（Monie）日前與將近一歲的囡囡莊子子拍片玩具「開箱片」，除了獲贊助商贈送玩具外，更有「象徵式」酬勞。Monie笑指愛女為成「玩具界KOL」踏前一大步：「其實今次都係贊助送啲玩具比佢試玩，不過佢以為所有玩具都係用嚟咬，所以咩都擺入口，搞到成條片好似試味咁！」
Monie表示今次收「利士仔」酬勞，笑說子子對玩具不太感興趣，反而喜歡電子產品：「拍片嗰陣時，攝影師哥哥有部運動攝影機拍子子，點知亞囡全程嗲住攝影師，原來就係想玩佢部攝影機！其實佢對電子產品好有興趣，成日都搞爸爸啲電腦、相機，所以睇少一眼都唔得架，到佢大個睇吓有冇機會由玩具KOL，變身做電玩KOL啦！」
