黃翠如今日（23日）踏入38歲，翠如在圈中人緣甚廣，昨晚獲得一大班圈中朋友為她慶祝。
老公蕭正楠（Edwin）約了老友曹永廉、唐詩詠、洪永城、馬國明、C君與未婚妻黃天頤、陸永夫婦等，齊聚林盛斌（阿Bob）家中為壽星女祝賀，大家一起玩killer遊戲，又一起在蛋糕許願、吹蠟燭，場面十分熱鬧！翠如開心留言︰「人日，祝大家願望成真。」
C君在社交網為翠如送上祝福︰「脆魚生日快樂﹗阿bob屋企大過地球，九個工人，影相呢度只係佢廚房一角，仲請埋管家添。除咗Bruce Wayne之外，佢係我唯一認識有管家嘅人。」女友黃天頤就寫道︰「魚，生快！祝永遠掛着幸福笑容！#多謝bob爺bob嫂款待 #屋企大到開演唱會」
洪永城就搞笑留言：「呢排成日見，本來都唔想再見到你，不過大家熱烈邀請吓，點到嚟一嚟打個招呼。生日快樂，大個女喇，分析能力要強啲。都唔明中間果舊腩肉（蕭正楠），唔係自己生日就成日企中間。#去咗一個山洞入邊打邊爐」；唐詩詠則留言感謝大家：「Happy Happy gathering ，多謝陀地Batman借出屋企俾大家玩、多謝pearl（Bob太太）準備食物、多謝C君嘅大閘蟹、多謝6嫂買牛肉、多謝6永敎玩killer We Love You 」
為了慶祝翠如生日，唐詩詠和洪永城這對昔日戀人罕有同場，實在難得。詩詠的緋聞男友馬明更與洪永城老友鬼鬼，大合照時還搭着對方的膊頭。
View this post on Instagram
圖片來源：黃翠如、洪永城、唐詩詠@Instagram