早前林盛斌（Bob）因工作關係，而錯過仔女的生日，讓他十分遺憾。昨日（24日）是阿Bob的40歲生日，他在社交網貼出一張友人贈送的卡通肖像畫，寫道：「今日，我，四十歲了。家庭，一家六口，已經好滿足；事業，不過不失，繼續努力中；健康，冇病冇痛，可以更加好；夥伴，同步不惑，一齊向前衝；朋友，唔多唔少，一切在心中；多謝今朝所有生日祝福，全部收到，感恩！」
為了慶祝生日，阿Bob偕同老婆Pearl與4個仔女出街，齊齊到街邊檔食大餐，阿Bob分享開餐片段，並留言：「四十大壽，冇理由唔食好啲嘅！噚晚我哋去咗街邊檔食炸燒賣，煎釀三寶，炸雞肶碎上，主菜係六個印尼撈麵大家share。我相信我老婆有少少想殺咗我…….」
片中見全家已把所有食物清空，在大家姊霏兒的帶領下，弟妹們興奮地為爸爸唱生日歌，而細佬道申最後更向着鏡頭揮手，十分可愛！不少網民為阿Bob送上生日祝福，同時又話一家幸福快樂最重要，「簡單就是快樂」、「跟親愛的人在一起，吃什麼都好吃。」
圖片來源：林盛斌@Instagram