上年升呢做爸爸的張達倫，不時於社交平台大晒囝囝張凱碩（勁秋雞）的照片，分享湊仔的樂趣。
繼早前與囝囝去沙灘玩水，令不少網民大讚可愛後，日前煒哥包場宴請劇集《好日子》演員黃智賢、張達倫和前無綫監製潘嘉德等人食飯，張達倫就帶埋勁秋雞出席，大家一見到眼仔大大加埋四字咁嘅口嘅勁揪雞，大讚super cute，爭住要做保母輪流抱，點解勁揪雞笑容咁殺食？
原來張達倫平時對佢訓練有數，經常引佢笑，片中只用一個環保盒就已經令囝囝開心到不得了，令佢覺得簡單就是快樂，「我唔係整蠱佢，係同佢玩，一個互動交流遊戲，如果咁玩令佢喊就當然唔玩，既然佢笑就陪佢再玩囉，囝囝本身都好鍾意笑，所以好多大人見到佢，都好想抱佢，覺得好得意。」
圖片來源：張達倫@Facebook
影片來源：張達倫@Instagram