布志綸（Alan Po）今年頻出新作，近日推出了新歌《行得走得》，與上作《如是因 如是果》的典型廣東歌曲風不同，是次由Alan親自創作出充滿能量的旋律，Jhen F編曲，並邀來Oscar為歌曲填詞。Alan希望藉此作品分享他作為一位中年男性，對於生命與生活的感悟，呼籲樂迷趁自己仍「行得走得」時，繼續尋找屬於自己的新篇章。
《行得走得》不論主題與曲風，都明顯與Alan今年度推出的作品有着不同感覺，原來與是次企劃與歌曲的共同監製舒文有關，「我同舒老闆（舒文）喺呢個project入面，好想有一首歌係positive啲嘅！」至於主題會用上「行得走得」，則因舒文有見Alan近年與中學同學不時共聚，除了感到難得外，同時認為當中的歡愉是與一首充滿能量的作品吻合，「所以我嘅demo名，都係用咗母校著名嘅『Brotherhood』，希望帶到正面精神出嚟！」Alan解釋道。
是次更是Alan與詞人Oscar的首次合作，Alan指要歸功於舒文，「當初定好主題後，舒老闆就提議話，今次不如搵Oscar填詞，仲大讚Oscar填呢啲趣怪題材好叻！」Alan亦大讚Oscar改動demo中的英文詞，由「let it go」變成現時的「this is my time to go」，令歌詞更具「呼籲」的感覺，並更能帶出《行得走得》一曲當中的意味，「Oscar嘅創作都為我帶嚟咗另一個角度，我覺得有新嘅諗法都好唔錯！」對 Oscar而言，《行得走得》的創作亦是一次新的體驗，因以往創作時都是完成歌詞後才一同討論、定下歌名，但今次卻截然不同：「今次幾得意係有咗題目先，而且係一啲廣東話向嘅說話。」
今次Alan再度親自作曲，與以往band sound為主不同，《行得走得》用上EDM曲風，配合Alan最擅長的結他彈撥，為歌曲注入能量。Alan表示，希望藉EDM曲風為樂迷帶來能量以外，亦能避免band sound中的嘈雜感。雖然Alan以前亦有不少作品為EDM曲風，但今次亦有不少新嘗試，「我仲用咗autotune，對我嚟講係新嘗試，希望在vocal上會有少少唔同，帶到唔同效果俾樂迷！」Alan笑言雖然歌名「行得走得」給人好「老餅」感覺，但藉加入autotune這種較新派的音樂方法，能夠告訴樂迷，即使外在很老，但最重要是內在心態保持年輕。
Alan為了今次新歌，更大刷「人情咭」，不單錄音，更邀來一眾圈內圈外好友一同參與MV拍攝，其中就包括其中學同學、樂隊Yusobeit、Hey Joe Trio，以及他的兒子Adam。Alan表示，《行得走得》整首歌曲中，自己最開心及喜歡的部分，便是這羣親友有份參與的和音，「因為成班人一齊錄音，好似感受到一大班人團結、浩瀚嘅感覺！」Alan更特意提到9歲兒子Adam的聲音，作為父親的Alan有感，指希望是次錄音能為兒子帶來一次難忘的記憶，「無論佢之後鍾唔鍾意唱歌，但起碼佢記得自己9歲入過錄音室錄音！知道唔係樣樣嘢都好似諗咁簡單！」
提及今次MV，Alan笑指：「今次MV最特別就係佢一啲都唔似一個MV！」他解釋，因今次MV選擇了一個類近生活紀錄的方式，拍下了自己與友人一同閒逛、踢足球，以至與中學同學去加拿大旅遊時的輕鬆片段！Alan解釋因為《行得走得》本身就是一個希望能為人帶來放鬆感覺的作品，因而MV中亦不想牽涉太多大道理，只要聽完作品或看畢MV後，大家能得到動力去生活便已足夠。
