話咁快《Do姐再shopping 》差唔多已經播到尾聲，唔少觀眾都習慣咗每晚睇農夫爆笑料鬆一鬆。有追開節目嘅觀眾都知道農夫一直做開「下靶位」，任由Do姐取笑同責罵，仲要笑住咁扮到毫無還擊之力。估唔到日前播出的一集，農夫終於進行大反擊，出名口才好、兼夾轉數快嘅C君一反常態駁Do姐嘴，唔單只大膽到催Do姐行快啲，仲話佢唔聽書，企圖挑戰埋Do姐嘅權威地位。
最後，C君都有打圓場賣口乖，笑言：「我不是罵你，只是想熱鬧一點而已。」講到底，Do姐都係值得尊重，C君都係想互動搞下氣氛，等各位觀眾睇得開心。而筆者都深信大人有大量嘅Do姐應該都唔會怪嗰兩隻嘢嘅！
圖片來源：互聯網