【明報專訊】恭喜！恭喜！32歲楊愛瑾（Miki）上月30日誕下囝囝Luken，母子平安。Miki昨日在社交網站上載一家三口照片報喜，她與老公郭永淳抱着囝囝流露幸福神情，B仔Luken眼仔睩睩、笑瞇瞇，精靈可愛。Miki指囝囝比預產期早兩星期出世，雖然未夠6磅，但一切健康。她生BB過程順利，沒有想像中痛苦，跟老公開玩笑說﹕「可以即刻生多個！」
文﹕娛樂組
楊愛瑾（Miki）與永安太子爺郭永淳相戀8年，去年4月結婚，11月宣布懷孕。她與老公心情興奮期待着BB面世，早前一齊拍攝大肚寫真。原來B仔已提早於3月30日出世，昨日Miki在社交平台分享多張BB照，B仔眼大大，還很愛笑，樣子萌爆。Miki留言說囝囝LuLu（乳名）急不及待提早出世，已一星期大，一出世就眼仔睩睩。
BB未夠6磅 眼仔睩睩周圍望
Miki接受《明報》訪問，囝囝叫Luken，意思是「Bringer of Light」。她說﹕「囝囝在產房一出世就已經眼仔睩睩周圍望，好似想快啲見到我哋咁。他出世未夠6磅，醫生指B仔身體一切健康，叫我哋不用擔心。」囝囝提早兩星期出世，令她與老公都好緊張。她說﹕「我哋上星期朝早突然發現BB有想出來的先兆，成個人都變得好緊張，孭住走佬袋入到醫院。我一直都好擔心順產究竟係點，好在醫院嘅醫生同護士都講解得非常專業，所以過程一切都非常順利，無我想像中咁痛苦，生完嗰一刻，我仲即刻講笑咁同老公講﹕『可以即刻生多一個喎！』」她跟囝囝回家後每天都好忙，不少東西都要學習，所以同大家報喜後，她與老公又要繼續努力了。
Miki好姊妹吳雨霏恭喜Miki，讚BB好得意，但她最近忙於錄音，未有時間探望Miki及BB。