張振朗、龔嘉欣今日為新劇《靈戲逼人》宣傳，眾演員在台上做大戲造手對賽，最終兩人輸到被罰食芥末，龔嘉欣更在張振朗的餅乾將wasabi加碼，誰不知他一吃即面容扭曲，工作人員隨即遞水讓他沖淡下，龔嘉欣受訪時心感歉意。原來張振朗今日空肚出席，他說：「最梗要大家開心，因為我本身未食嘢就嚟，平時食呢啲都會有舊飯，唔會只食芥末，所以食落口有少少揦住，幸好無事，大家可以當我製造效果囉，不過我同嘉欣識咗好耐，平時都會互玩，最梗要開心。」
張振朗今次為劇情唱插曲，龔嘉欣大爆他有爭取唱主題曲，但最終失敗，張振朗惟有自嘲說：「今次我只唱插曲，監製唔俾我唱主題曲，可能怕觀眾聽到耳朵懷孕。」
劇中兩人譜出人鬼戀，既辛苦又浪漫，龔嘉欣說：「最辛苦係水中吊威也旋轉，好浪漫但亦辛苦，拍了十幾粒鐘，又要咀，成場戲好多嘢做，不過出來效果很滿意。」她表示第一次化大戲妝，完全不敢郁動，「第一次化粵劇妝，怕太熱溶妝要補，所以唔使埋位時都要用大風扇對住塊面不停吹住，連講嘢都唔得，搞到成晚都無講嘢！」