將於星期五（25日）踏入34歲的黃美棋，昨晚（21日）舉行生日派對，她更在IG宣布男友鍾健威（Ray）求婚成功，明年將榮升鍾太。
美棋在IG上載了Ray求婚的照片，家人和圈中好友楊潮凱、朱智賢、林奕匡與太太李靄璣等，都一同見證Ray向美棋的求婚過程。美棋寫上︰「多謝你為我安排嘅呢一個驚喜party，原本無諗過要特別搞生日，所以見到啲朋友同屋企人嗰下真係好感動，一晚入邊喊咗幾次，但係全部都係幸福嘅眼淚，好多謝大家對我地嘅寵愛，我真係覺得自己好幸運，好幸福，成長嘅階段，分別遇到身邊嘅每一位，我切蛋糕嘅時候，手都震埋，心入邊諗，點解我咁幸福？所有屋企人、好朋友、重要嘅朋友都好錫我，我心入邊默默祝福你哋每一個都要身體健康，事事順心，人大了，已經唔係好在乎自己幾歲，重視嘅身邊嘅人過得開唔開心，健唔健康。」
美棋感謝未婚夫Ray：「多謝你嘅精心安排，我哋終於唔使守秘密啦，多謝你安排咗呢個咁難忘嘅生日俾我，多謝你由搵地方、偷偷聯絡我嘅屋企人、朋友、買花、搵decor佈置、安排座位、扮做嘢出去先，今次樣樣都完美無瑕，我真心要俾個叻你，今次你係勁嘅，冇乜特別嘢可以報答你，只能用我嘅餘生去繼續煩死你，以後我哋要繼續相親相愛，繼續去創造屬於我哋嘅未來！」
相片來源：黃美棋@Instagram