麗英推出首支派台歌《美男子圖鑑》，新歌由Serrini填詞。歌曲描繪對美男子的喜愛，麗英說：「講到對靚仔嘅熱愛，我相信Serrini會好明白我熱愛靚仔嘅心情！而且佢亦都係我好耐之前已經想合作嘅填詞人，我好喜歡佢嘅風格，因此就促成今次合作！」
二人一開始傾談歌曲風格時，麗英給Serrini的感覺是非常活潑可愛，因此Serrini在創作時刻意投入幻想，她說：「原本麗英跟我說希望有好多靚仔會date（約會），所以創作美男子圖鑑，其實係講緊我哋有好多個選擇。無論係男仔或者女仔、你嘅取向係點樣都好，我希望表達嘅都係應該keep住自己有多啲選擇，要開放自己嘅心去date多啲！所以我好鍾意個副歌『Date你、Date我』，唔需要太介意或太擔心去限制咗自己嘅選擇。所以我寫完呢首歌嘅歌詞之後都好啟發到我，希望今年可以date夠12個星座嘅人，不過我暫時只係完成咗一個星座，我會努力去完成！」麗英新MV找來四分一泰國混血兒Saito（莊世圖）飾演小島上送牛奶的美男子，而麗英則是島上居民、對他一見鍾情的女孩，她坦言拍攝過程有不少親密接觸的戲分：「有一場戲分的確係好近，因為我要坐喺Saito單車後座、喺石灘上面拖手，我的確好緊張、直程有小鹿亂撞嘅感覺！喺石灘上面我哋有一幕要好近咁對望，我直程有啲怕醜！」