馮素波與栢天男近日為港鐵拍攝廣告，兩人在廣告中飾演母子，講及栢天男離港在即，眾人在香港站告別。近來活躍IG的波姐特別生鬼，不時向鏡頭派心心和飛吻，仲風騷自爆常被「靚仔」邀請演出：「我唔係靚仔先接工作，係佢哋要揀我咋！成街都靚仔點認得咁多，我見栢天男成面鬍鬚，下次叫佢用『鬚』拮下我就認得啦。」
二人雖然第一次合作，但默契非常合拍，趁列車未埋站時仲齊齊排戲。波姐指自己屬「港鐵GPS」，笑言似足公主出巡：「因為我兩蚊車之嘛，成日都『出巡』周圍去，所以熟晒路啦，最遠去到柴灣、堅尼地城、西營盤，我每個禮拜都要去街㗎！」波姐更表示自己熱心幫遊客搵路，不介意與人合照：「有時見遊客望下望下，就主動問佢哋想去邊度，又有啲話想影合照，只要唔介意我素顏，影乜都得！」
而栢天男就表示與波姐合作好開心，不過第一件事不是請教演技，而是向對方問路：「因為今早集合地點，我搵極都搵唔到，惟有打俾波姐問點去，佢真係好厲害！波姐雖然未合作過，但我有睇佢啲作品，所以感覺好親切，終於有機會演母子。」