受武漢肺炎疫情影響，許多演唱會、舞台劇及粵劇演出相繼宣布取消或延期。陳健安（On仔）原定於28日假伊館舉行《陳健安2020以青春之名演唱會》，惟考慮到藝人、製作團作以及觀眾的健康和安全，主辦方決定將表演延期舉行。
對於個唱延期，On仔在社交網向粉絲致歉，「《延期公告》呢段時間一直睇住疫情，都未知道演唱會開唔開到，心諗只要有1%可能開到都繼續準備，亦都做咗唔可以如期開到嘅心理準備。直到收到消息一刻，仍然係會唔開心同流咗少少眼水，會喺度諗：『On diet咗三四個月、健身跑步咗五六十幾次、背咗歌詞個幾月、練歌、幾時先可以同大家分享成果⋯⋯』不過好快，我又諗：『有多啲時間準備，一定一定可以再做得好啲。』」
他希望盡快為大家演出，「無嘢比健康同生命更重要，多謝每位族人嘅支持同關心，希望你哋體諒，有最新消息會盡快通知大家。呢段時間大家專心抗疫，繼續盡做。到時除低口罩，健健康康，見證我嘅第一次，LOVE。」
圖片來源：陳健安@Instagram