「唱作王子」馮允謙（Jay）、陳健安、梁釗峰、ANSONBEAN、雲浩影（Cloud）和樂隊Nowhere Boy等演唱單位出席「MA Music School Tour 2023」，歌手們近距離與過百名學生又唱又跳，氣氛熾熱，玩爆校園！
打頭陣的ANSONBEAN一連跳唱三首快歌《CALL ME (Late At Night)》、《RISE》和《GET WILD'(Feat. AKIKO)》炒熱全場氣氛，台下觀眾隨即高舉雙手跟着節拍搖動。為配合校園主題，ANSONBEAN打呔上陣以壞學生造型示人，他更笑言：「咁啱我受咗傷貼咗膠布，更加應景。」首站的校園騷就與觀眾作近乎零距離接觸，ANSONBEAN表示相當有趣，他說：「睇到佢哋個樣同表情，可以近啲同佢哋有互動，所以我幾享受。」
釗峰緊接出場並帶來兩首抒情慢歌《愛情難以許可我們回到當初(1717)》和《已……(3235)》，隨後又與安仔合唱《再不再見》，勾起大家對C AllStar的回憶。
而Cloud就唱出《無以名狀的痛》以及《自發性神經反應》。兩位不時走到台邊與學生握手，全場High爆尖叫聲四起。
Nowhere Boys接着出場將現場氣氛再推高，五子帶來《我們的移動城堡》及《票房毒藥》，唱畢後，觀眾意猶未盡大叫「Encore」，他們再送上《天外飛仙》。
重回大學母校表演的安仔就唱出《仍然是那個少年》以及《好好掛住》，剛巧兩首歌的音樂班底賴映彤與Oscar同樣畢業於香港理工大學，安仔直言別具意義，更勾起他的校園回憶。他說：「曾經喺呢間房Casting入Danso（舞蹈學會選拔），最後冇入到，跳成點都唔特別講，總之而家專心唱歌，同埋好多歌唱比賽都喺PolyU發生。」安仔更即場清唱《未知道》和《繼繼續續》，Nowhere Boys主音Van大讚他音準強，但安仔笑言清唱很危險：「試過開高咗個Key，心諗大穫啦，但都要撐落去。」
Jay壓軸出場，唱出《入場人士注意》和《收到收到》，他與台下觀眾握手、派心，又拿起他們的手機自拍，隨後再大合唱《遠在眼前》，將現場氣氛推至頂點。但Jay於騷後透露，原來當日早上發生了不愉快經歷：「嚟到時冇食嘢好肚餓，點解冇食嘢呢？我今朝食外賣，食到一啲好脆嘅嘢，吐出嚟原來係好大隻蜜蜂，我成碗冇食到，驚會唔舒服，之後亦冇食嘢。啱啱嚟到本來好唔開心，但因為PolyU所有學生畀咗咁多溫暖我，令我唱得好開心。」
演出尾聲，歌手們齊集舞台合唱《我們都是這樣長大的》，觀眾亮起手機燈形成一遍美麗燈海，最後再全場大合照為School Tour首站劃上完美句號。被熾熱氣氛感染的Cloud受訪時笑言：「今日有少少失策着咗長袖衫，估唔到氣氛咁熱烈，而家好熱呀，下次都係着少啲，清涼少少。」寰亞歌手將陸續於香港浸會大學（9/10）、香港中文大學（27/10）、香港科技大學（30/10）和香港大學（1/11）與各位學生見面。
