喺單親家庭長大嘅關心妍（Jade），爸爸喺佢七歲嘅時候就離家出走，其後Jade同媽媽移居加拿大，導致同爸爸二十幾年冇見過面。Jade長大後希望同生父見面，修補關係，但再見到面，相處冇耐，爸爸就因為中風而離世，令Jade後悔見得太遲。
關心妍
Jade近日喺訪問中重提爸爸離世一事，坦言細個嗰陣好嬲爸爸，喺街見到佢都會扮見唔到，又會講啲好絕情嘅說話，但後來因為信仰改變咗心態，開始想同爸爸修補關係，可能呢個時候己經太遲，爸爸已患上重病。Jade講述自己搵返爸爸之後，相隔兩年爸爸就中風，醫生表示話Jade爸爸以後都會係植物人嘅時候，Jade先驚覺時間唔等人，連佢想同爸爸修補建立返個關係，原諒佢嘅時間都冇。
Jade喺爸爸昏迷期間同佢傳福音，又同佢講一家人已經原諒咗佢，但講完原諒之後，爸爸就離世了。近月，Jade將呢段經歷寫成《原諒的力量》，提醒大家唔好太遲先的起心肝修補家人關係，如果同家人有矛盾一定要及早解決。
圖片來源：關心妍＠Facebook
