由郭偉亮（Eric）、師兄劉浩龍、陳欣茵（欣茵）同陳若思（Amber）主持的J2節目《鋪鋪Poker》，今晚播出的一集請來杜如風及糖妹（黃山怡）擔任嘉賓。
杜如風主持的旅遊節目一向甚受歡迎，原來當年她初次做主持，是被人拉伕上馬。有一次她被派到東京採訪時裝表演︰「嗰時我係做writer，係被逼上梁山㗎。公司阿姐派我去，話位主持未攞到working visa，要我頂咗佢啦，仲話做fashion show講一兩句嘢就得。」她這次的工作表現令該位阿姐好滿意，二話不說便派她跟一位導演合作，拍攝旅遊節目《流行東京》，之後一炮成名，令她躍身成為日本旅遊達人。
杜如風一向在鏡頭前表現生鬼，但原來初時很抗拒出鏡，她笑說︰「初初係好驚，所以我從來都唔肯試鏡，覺得好驚個camera，唔知點解，可能做開幕後。到逼上梁山對住鏡頭，又okay喎。」當Amber和欣茵笑她怕醜時，兩位男仕便玩即場踼爆，Eric率先爆︰「佢平時吹水吹到呢‥‥‥面皮厚過腳板底，當然冇可能驚camera。」接着師兄神助功︰「仲唔怕醜過啲artistes。」大家最後得出一個結論，相信她跟已故資深傳媒人兼電影宣傳主管，父親杜惠東有關，果然是虎父無犬女！
