黃宗澤（Bosco）、張繼聰、陳家樂日前為有份主演的電影《紮職2》連跑七場謝票。早前連詩雅（Shiga）於社交平台上的限時動態上載了電影《紮職2》首映的相片，相中除了有老公陳家樂，還有另外兩位男主角黃宗澤及張繼聰，Shiga更在限時動態寫上「預祝票房大賣」！
家樂隨後亦有轉發太太的限時動態，寫上：「多謝支持，好似第一次黎（嚟）睇有我既（嘅）戲」，之後他又寫上：「定係睇你偶像？你自己知自己事啦」。家樂表示Shiga之前並不太喜歡看他的戲，首映當日是首次入場看他主演的電影，他說：「可能我多數嘅戲都係愛情片，今次難得嘅一套江湖片我係冇感情線，所以佢就好主動話要嚟睇啦。」隨後他又笑說：「其實佢係嚟支持佢嘅偶像Bosco。佢係好鍾意睇Bosco嘅戲，佢一瞓唔着覺，就會開電話、開電視睇番Bosco嗰啲劇，《溏心風暴》1、2、3，所以我都好熟Bosco㗎啦，好似同佢成日見咁樣，哈哈。」
問到站在家樂身旁的黃宗澤是否認識「陳太」，他謂之前曾為Shiga網上節目任嘉賓，接受過她訪問，「嗰陣時佢都有同我講，佢話佢好鍾意睇我嘅戲，我有問佢：『咁家樂知唔知㗎？』哈哈，佢話梗係知啦！佢話：『而家最愛我老公！』哈哈，兩個成日喺我面前曬命，show恩愛！」