李日朗今日加盟美容公司擔任星級小顏術導師，好友蔡思貝及周家蔚更出席支持，思貝表示曾經因滑水不小心被滑水板打中鼻樑，導致歪了，幸好獲對方整面矯正，「除咗大家瘦面，有可能因意外令面不對稱，之前滑水撞歪鼻樑都係佢幫我整返正，之後連鼻敏感都改善了。（介紹緋聞男友胡鴻鈞瘦面？）佢已經好靚仔，唔使整，前排先喺電視見到，真係好靚仔。」
蔡思貝早前被選為十大最靚女藝人之一，她說心感榮幸，「前排見到網上有個選舉，十大最靚女藝人，平時我都好少留意，但我居然第八名，多謝大家愛戴，雖然我是香港小姐亞軍，但今次係全香港，因為一直都未俾人讚，大家睇過我細時同素顏相，所以好榮幸，不過最重要健康同心境都係長久戰，需要多做運動。」
榮升導師級的李日朗表示要專注發展副業，「思貝係我第一位明星顧客，當時問佢我學識小顏術，想唔想試下，就開始了，之後好多藝人因為佢就搵我做小顏術，所以佢任何時候都可以上嚟做面。之前我未考教師牌，只係技師，所以過去一年基乎每日都開工十小時，現在有團隊管理，可以做自己想做的事。」